Хоразм вилояти. 2-лиганинг 7-тури ниҳоясига етди

Қизиқарли учрашувлардан бири Гурлан туманининг марказий ўйингоҳида бўлиб ўтди. “Гурлан” жамоаси Янгиариқ туманининг “Наврўз” жамоаси билан ўзаро куч синашди. Асосан ёшлардан иборат бўлган мезбонлар жамоаси  3:2 ҳисобида ғалаба қозонишди. Майдон эгаларининг уччала тўпини ҳам Санъат Қуролов киритиб, “хет-трик”ка эришди. Шу ўринда айтиб ўтиш жоизки, учрашув танаффусида ўзига хос тадбир уюштирилди. Ўтган ҳафтада 2001 йилда туғилган ёшлар ўртасида ташкил этилган вилоят биринчилигида фахрли иккинчи ўринни эгаллаган гурланлик футболчиларни тақдирлаш маросими ўтказилди. Марказий минбар олдига саф тортган ёш “чарм тўп” ўйини усталарини Гурлан тумани ҳокими ўринбосари Сардорбек Юсупов эришган муваффақиятлари билан қизғин қутлади. Уларни ва мураббийи Қаҳрамон Сотиболдиевни мазкур мусобақанинг фахрий ёрлиқлари, медал ва футбол кийимлари билан тантанали равишда тақдирлади.

Энди мазкур турнинг барча учрашувлари натижалари билан танишинг.
24 июль
- “Хива” (Хива шаҳри) - “Интернат” (Урганч шаҳри) -  + : - ,
“Урганч ОЗК-1” (Урганч шаҳри) - “Терма-97” (Урганч шаҳри) - 2:2.   
25 июль
“Янгибозор” (Янгибозор тумани) - Шохобод” (Шовот тумани) - 3:1,
“Гурлан” (Гурлан) - “Наврўз” (Янгиариқ тумани) - 3:2,     
“Урганч ОЗК-2” (Урганч шаҳри) - “Хонқа” (Хонқа тумани) - 4:3  ,
“Қўшкўпир” (Қўшкўпир тумани) - дам олиш.

7-турдан кейинги вазият: 1. “Урганч ОЗК-1” – 17 очко(7 ўйин). 2. “Янгибозор” – 12(6). 3. “Терма-97” – 11(5). 4. “Хонқа” – 9(7). 5. “Хива” – 9(7). 6. “Урганч ОЗК-2” – 9(6). 7. “Гурлан”  - 7( 6). 8. “Шохобод” – 6(5). 9. “Қўшкўпир” – 4(6). 10. “Наврўз” – 4(5). 11. “Интернат” – 3(6).         

 Икром  Худойберганов