Хитой. Одил Аҳмедов ва Анзур Исмоилов жамоалари мағлубиятга учради
30 июл 2017 18:55
Новости
Хитой. Одил Аҳмедов ва Анзур Исмоилов жамоалари мағлубиятга учради
Ўзбекистон терма жамоаси сардори Одил Аҳмедов ўйнайдиган "Шанхай СИПГ" бу турда "Шандон Луненг" меҳмони бўлди. Ушбу баҳсда ҳисоб ҳамюртимизнинг узатмасидан сўнг очилди. Ву Лей Одил Аҳмедовнинг пасини голга айлантирди.
Иккинчи бўлимда устунлик мезбонлар томонга ўтди. Жингдао Жин 69-дақиқада Грациано Пелленинг узатмасидан унумли фойдаланиб, ҳисобни тенглаштирди. 87-дақиқада эса Ксинан Ву "Шандон Луненг"ни ҳисобда олдинга олиб чиқди. Ўйин мезбонларнинг ғалабаси билан якунланди. Одил Аҳмедов майдонда 90 дақиқа ҳаракат қилди.
"Шандон Луненг" - "Шанхай СИПГ" 2:1
Голлар: Жингдао Жин 69, Ксинан Ву 87 - Ву Лей 23.
Анзур Исмоилов жамоаси "Чанчун Ятай" ҳам Одил Аҳмедовники каби бу турда меҳмонда ўйнади. "Ляонин Хонгуй" билан баҳсда битта гол урилди. Кристиан Бекаменга 65-дақиқада урган гол мезбонларга ғалаба келтирди. Анзур Исмоилов учрашувда тўлиқ ўйнади.
"Ляонин Хонгуй" - "Чанчун Ятай" 1:0
Гол: Кристиан Бекаменга 65.
championat.asia
Мираброр Усмонов Кубоги-2025. Япония U-23 Ўзбекистонни мағлуб этди ва турнир ғолибига айланди
БУМ! Ўзбекистон МТЖ ноябрь ойида Тошкентда жаҳон чемпионига қарши ўйнайди
ОКМК "Андижон"ни йирик ҳисобда мағлуб этди
Тимур Кападзе: "Аргентина ва Уругвай билан ўйин... Бу маълумот ҳақиқатга яқин"
Комментарии