Хави: "Мақсадимиз - иккинчи ўрин"

"Биз ҳақиқатни тан олишимиз керак, лекин ўз ишончимизни заррача ҳам ўзгартирмоқчи эмасмиз. 

"Атлетико", "Реал Мадрид", "Севилья" сингари буюк испан клубларини мағлуб этдик. Худди шу руҳда давом этишимиз керак.

Биргаликда янада яхшироқ ўйин кўрсатишимиз, рақобатбардош бўлишимиз, ишонч ва хоҳишга кўпроқ эга бўлишимиз лозим. Ҳақиқат шундаки, совринлар учун курашмаяпмиз. Биз ҳар қачонгидан ҳам камтарроқ бўлишимиз ва иккинчи ўрин ҳақида ўйлашимиз керак.

Икки-уч ҳафта олдин бизни Ла Лигадаги чемпионлик учун кураш руҳлантирганди, ҳозир эса бундан жуда узоқдамиз. Мақсадимиз - иккинчи ўрин учун кураш. Ноябрдагидек аҳволимиз ёмон эмас, аммо янада яхшиланишимиз керак", - деди "Барселона" устози.