Хави Брозовични "Барса"да кўрмоқчи

Хави "Интер" ярим ҳимоячиси Марсело Брозовични "Барселона"да кўриш истагида.

Аввалроқ каталонияликлар "нерадзурри"га Франк Кессьени Брозовичга алмаштиришни таклиф қилгани маълум бўлганди.

"Mundo Deportivo" хабарига кўра, "кўк-анорранглилар" бош мураббийи 30 ёшли хорватияликнинг трансферидан хурсанд бўларди.

Хавига Брозовичнинг ЖЧ-2022даги ўйин даражаси ёқди. У футболчини ўз жамоасида кўрмоқчи, чунки бу трансфер амалга ошган тақдирда Серхио Бускетс позициясида иккинчи вариантга эга бўлади.

"Барселона" эҳтимолий алмаштиришни қийин деб ҳисоблайди. Сабаби Кессье кетмоқчи эмас. Ўйин вақти оз бўлишига қарамай, ивуарлик "Барселона"да бахтли, у бу ерда уни қадрлашларини ҳис қилмоқда.