RU

Последние новости

00:24Элит ОЧЛ. "Кавасаки Фронтале" қўшимча бўлимларда "Ал Садд"ни мағлуб этиб, Саудия Арабистони жамоаларидан иборат бўлган ярим финал босқичига йўл олди  9 23:54Гвардиола яна Англия Кубоги тўпини танқид қилди: "Иккала жамоага ҳам уни назорат қилиш қийин бўлди. У жуда тез"  0 23:12Педру Морейра: "Ҳозирги вақтда бизга фақатгина очколар сони муҳим"  1 23:06РПЛ. "Рубин" Руслан Безруковнинг дубли эвазига иккинчи бўлимда ўн киши бўлиб қолган "Факел"ни мағлуб этди, Ашурматов захирада қолдирилди  0 23:01Туркия Суперлигаси. "Ризеспор" меҳмонда минимал ҳисобда имкониятни бой берди, Алиқулов тўлиқ ўйнади  2 22:56Озарбайжон чемпионати. "Сабаҳ" ўз уйида "Қорабоғ" билан дуранг ўйнади, Раҳмоналиев захирада қолдирилди  0 22:40Суперлига. "Насаф" ва "Навбаҳор" йирик ҳисобда ғалаба қозонди, "Шўртан" эса 10 киши бўлиб қолган "Пахтакор"га гол ура олмади  0 22:30Англия кубоги. "Манчестер Сити" "Ноттингем Форест"ни мағлуб этиб, финалга йўл олди. Бош соврин учун рақиб — "Кристал Пэлас"  38 22:24"Ливерпуль" — АПЛ чемпиони!  34 22:10Суперлига. "Насаф" "Қизилқум"ни йирик ҳисобда мағлуб этди ва мусобақа жадвалининг 1-ўрнига кўтарилиб олди  21 21:51Григорий Колосовский: "Олимпик-Mobiuz" қандай футбол ўйнаш кераклигини кўрсатиб қўйди"  0 21:40Анвар Бердиев: "Футболчиларимизда ўзига бўлган ишонч етишмади"  0 21:21Фарҳод Нишонов "Локомотив"га қарши ўйиндан кейин: "Ғалабага ҳақли эдик, бошқа вазиятларимиздан фойдаланганимизда ҳисоб йириклашиб кетарди"   2 20:57Рюдигер класикодаги ҳакам билан боғлиқ воқеа учун оммадан узр сўради  29 20:35РПЛ. "Химки" — "Акрон" ўйинида жанговар дуранг қайд этилди, Эсанов эса захирада қолдирилди  0

Халқаро мусобақа. "Пахтакор" ва "Насаф" иккинчи имтиҳонга тайёрми? Новости

Халқаро мусобақа. "Пахтакор" ва "Насаф" иккинчи имтиҳонга тайёрми?

Ушбу ҳафта яна клублар ўртасидаги халқаро ўйинларни кўрамиз.

"Пахтакор" ОЧЛ Элит 2-турида майдонга тушса, "Насаф" ОЧЛ 2 мусобақасида 2-турни ўтказади. "Пахтакор" эртага Эронда "Персеполис" меҳмони бўлади. Маълумот учун, "Персеполис" дастлабки турни сафарда "Ал Аҳли"га қарши ўтказиб, 0:1 ҳисобида мағуб бўлди. "Пахтакор" эса Тошкентда ўтказилган баҳсда "Ал Васл"га худди шу ҳисобда имкониятни бой берди. 

"Персеполис" бу ўйинга қадар ўз миллий чемпионатида "Истиқлол"га қарши баҳс олиб бориб, 1:0 ҳисобида зафар қучди. Ягона гол 90+3-дақиқада Ҳоссейн Канани томонидан киритилди. Учрашувда ҳамюртимиз Остон Ўрунов иштирок этмади. "Пахтакор" эса Эрон сафари олдидан "Олимпик" билан куч синашиб, 6:0 ҳисобида зафар қучди. Қуйида маълумот сифатида ОЧЛ Элит мусобақасининг 1-турида қайд этилган натижалар ва 2-тур учрашувларини келтириб ўтамиз.

ОЧЛ Элит. 1-тур натижалари

16 сентябрь. "Ал Айн" (БАА) - "Ал Садд" (Қатар) 1:1

16 сентябрь. "Ал Шорта" (Ироқ) - "Ал Насср" (С.Арабистони) 1:1

16 сентябрь. "Истиқлол" (Эрон) - "Ал Гарафа" (Қатар) 3:0

16 сентябрь. "Ал Аҳли" (С.Арабистони) - "Персеполис" (Эрон) 1:0

17 сентябрь. "Пахтакор" (Ўзбекистон) - "Ал Васл" (БАА) 0:1

17 сентябрь. "Ал Райян" (Қатар) - "Ал Ҳилол" (С.Арабистони) 1:3

2-тур учрашувлари

30 сентябрь. 21:00. "Ал Садд" - "Истиқлол"

30 сентябрь. 21:00. "Персеполс" - "Пахтакор"

30 сентябрь. 21:00. "Ал Васл" - "Ал Аҳли"

30 сентябрь. 23:00. "Ал Насср" - "Ал Райан"

1 октябрь. 23:00. "Ал Гарафа" - "Ал Айн"

1 октябрь. 23:00. "Ал Ҳилол" - "Ал Шорта"

2 октябрь куни "Насаф" ҳам ўз ўйинини ўтказади. Қаршиликлар Марказий стадионда БААнинг "Шабаб Ал Аҳли" клубини қабул қилишади. "Насаф" ОЧЛ 2 илк турини сафарда "Қувайт СК"га қарши ўтказиб, ўйинда ҳисоб очилмади. "Шабаб Ал Аҳли" эса ўз майдонида Иорданиянинг "Ал Ҳуссейн" клубидан 3:1 ҳисобида устун келди.

"Шабаб Ал Аҳли" Қаршига келишдан олдин "Ал Оруба" билан беллашиб, 4:1 ҳисобида ғалабага эришди. Қизиғи шундаки, учрашувдаги барча голлар легионерлар томонидан киритилди. Хусусан Гильерме Да Сильва, Юрий Цезар, Бруно Каскардо ва Федерико Картабиа меҳмонларнинг голига муаллифлик қилишди.

Айни пайт "Шабаб Ал Аҳли"да тўп тепаётган легионерлар орасида энг машҳури Сардор Азмун бўлиб, у мазкур баҳсда майдонга тушди, бироқ 65-дақиқада пенальтидан тўп кирита олмади.

"Насаф" бўлажак учрашув олдидан охирги баҳсни кеча "Бунёдкор"га қарши ўтказиб, 2:2 ҳисобини қайд этди. Эътиборлиси, Қаршиликлар сафида ҳам фақат легионер футболчилар гол муаллифи бўлди: Зоран Марушич ва Марко Станоевич. Қуйида ОЧЛ 2 натижалари ва кейинги ўйинларни келтириб ўтамиз. "Насаф" ва "Пахтакор"га эса омад тилаб қоламиз.

ОЧЛ 2. 1-тур натижалари

18 сентябрь. "Шабаб Ал Аҳли" (БАА) - "Ал Ҳуссейн" (Иордания) 3:1

18 сентябрь. "Қувайт СК" (Қувайт) - "Насаф" (Ўзбекистон) 0:0

2-тур учрашувлари

2 октябрь. 19:00. "Насаф" - "Шабаб Ал Аҳли"

2 октябрь. 21:00. "Ал Ҳуссейн" - "Қувайт СК"

Рейтинг: +4   

Комментарии

championat.asia
< посмотреть последние новости
Яндекс.Метрика