Халк қайтди, "Шанхай СИПГ" ғалаба қозонди ва пешқадамга айланди

Ҳамюртимиз Одил Аҳмедов тўп тепадиган "Шанхай СИПГ" клуби бу турда "Яньбянь" меҳмони бўлди. Бироз аввал ниҳоясига етган баҳсда шанхайликлар 3:1 ҳисобида ғалаба қозонишди. Иккита ўйинлик дисквалификацияни ўтаб бўлган Халк қайтишини гол билан нишонлади. Одил Аҳмедов майдонда тўлиқ ҳаракат қилди.

Бу ғалабадан кейин жамоа турнир жадвалида биринчи поғонага кўтарилиб олди. Иккинчи ўринда бораётган "Гуанчжоу Эвергранд" 2 очко кам жамғарган ва битта ўйин захирасида бор. Агар бугун "Гуанчжоу" 4-ўринда бораётган "Шандонг Луненг" билан ўйинда очко йўқотса, у ҳолда Аҳмедов ва жамоаси пешқадам бўлиб қолаверишади.

Хитой, Супер лига
"Yanji Stadium"
15.07.2017, 17-тур
"Яньбян" - "Шанхай СИПГ" 1:3
Голлар: И.Со Ҳванг 86 - Элкесон 8 (Ву Леи), Ву Леи 84 "Элкесон", Халк 90 (Ш.Ванг)

"Шанхай СИПГ": Жунлинг Ян, Шенчао Ванг, Гуан Хе, Ке Ши, Веи Занг, Одил Аҳмедов, Ҳаишенг Гао (Ю Хай, 46), Чуангйи Лин (Ҳуканг Чаи, 72), Ву Леи, Халк, Элкесон.

Огоҳлантиришлар: З.Чи 45 - Ж.Ян 76

Хитой чемпионати турнир жадвали билан танишинг >>> Супер лига