Хаким Фузайлов: "Вазиятлардан фойдаланганимизда ўйин бошқача натижа билан тугаши мумкин эди"

Ўйин ҳақида

- Оғир учрашув ўтказдик. Биринчи бўлимдан кўра кўпроқ иккинчи бўлимда жамоамиз устунликка эга бўлдик, кўплаб голли вазиятлар яратдик. Албатта ўйин ҳисоби бошқача бўлиши ҳам мумкин эди. Ўз вазиятларимиздан фойдалана олганимизда бугун мағлубиятга учрамаган бўлардик. Рақибни ғалаба билан табриклайман.

Мавсум бошидан буён иккинчи мағлубиятимизни қабул қилиб олдик. Футболда шунақа, жамоа ютқазса, бунда мураббий айбдор бўлади. Натижалар ёмон бўлса, менинг ҳам клубдаги фаолиятимга якун ясалиши мумкин

Мураббийнинг иши давомли бўлиши албатта натижаларга боғлиқ. Клуб раҳбарияти билан истеъфога чиқишим борасида гаплашиб кўраман. 

Ҳозирги холатимизда биринчи навбатда мухлисларимиздан узр сўрашимиз зарур. Улар биздан ғалабалар ва ижобий натижалар кутишмоқда. 

- Олег Марчук захирада қолишининг сабаби нима? 

- Легионер футболчи бошқалардан кўра кучлироқ ўйин намойиш этиши лозим. Шу сабабдан жамоага легионерлар жалб этилади. Марчук бугун захирада қолдирилдими, демак биз шундай қарорга келганмиз.

- Никола Стошич икки ўйиндан буён қайдномага киритилмаяпти. Буни қандай изохлайсиз?

- Стошичда жароҳат бор. У жароҳатидан қутулиб сафимизга қайтса, албатта майдонга туширамиз.