"Хаддерсфилд"ни АПЛда сақлаб қолган мураббий билан шартнома узайтирилди
30 мая 2018 20:15
Новости

"Хаддерсфилд"ни АПЛда сақлаб қолган мураббий билан шартнома узайтирилди

"Хаддерсфилд" раҳбарияти жамоа бош мураббийи Давид Вагнер ва унинг штабига кирадиган мураббийлар Кристоф Бюлер, Эндрю Хьюз билан шартномани узайтирди.

"Битимни узайтириш ва клубда қолиш қарорини қабул қилиш осон бўлди. Мен, менинг штабим, раҳбария, ходимлар ва мухлислар ўртасидаги муносабатлар жуда яхши. Биз 2,5 йил ичида ажойиб натижаларга эришдик ва энди мамнуният билан келажакка қарайман.

Премьер-лигадаги ҳаётга кўникиш учун кўп ишлашимиз керак. Аммо бунга эришиш учун бизда ҳамма нарса бор деб ўйлайман. Клубга келганимдан бери қўллаб-қувватлаётган мухлисларга раҳмат. Улар бизнинг муваффақиятимизда катта рол ўйнашди" - дейди Вагнер.

"Хаддерсфилд" Вагнер қўл остида Чемпионшипдан Премьер-лигага чиқди ва сўнгги мавсумда жамоани АПЛда сақлаб қолди.

Ссылка :

Источник : htafc.com

Получайте новости прямо в Telegram!

Рейтинг: +6