Хаби Алонсо: "Бавария"га ўтиш мени фаолиятимдаги энг яхши танловларимдан бири бўлди"

- Хаби, фаолиятингиздаги илк қишки таътилингиз қандай ўтди?
- Бу мен учун янгилик бўлди. Таътил жуда ёқди. Биз оёқ ва бошимизга дам бердик. Энди эса янги куч билан майдонга қайтамиз. Ҳозирда биз мавсумнинг иккинчи қисмига жиддий тайёргарлик кўрмоқдамиз. Ҳаммаси жуда яхши кечмоқда.

- Машғулотлар анча оғир ўтмоқда. Бироз ёшаришни истармидингиз?
- Йўқ, ёшим бу ерда муҳим эмас. Асосийси, мен ўзимни қандай ҳис қилаётганимда. Мен ўзимни жуда яхши ҳис қилмоқдаман ва ҳаммаси ўз жойида. Қолганларга ўхшаб машғулотларда қаттиқ ишлаяпман. Мавсумни иккинчи қисмида бўладиган муҳим ўйинларгача ўзимнинг оптимал формамни тиклаб олишим зарур.

-Бу сизнинг "Бавария" билан ўтказган илк йиғинингиз бўлди. Масалан "Ливерпуль" ёки "Реал"ники билан фарқи бўлдими?
- Умуман олганда машғулотлар деярли фарқ қилмайди. Лекин ҳаммаси ҳар хил ўтади. Айниқса Гвардиоланинг иш жараёни бошқаларникидан фарқ қилади. Мен Пепдан жуда кўп нарсаларни ўрганмоқдаман.

- Бу йиғин шахсан сен учун жуда фойдали бўлди деб ҳисоблайсанми?
- Қатарда биз футболчилар билан жуда кўп вақтимизни биргаликда ўтказдик. Жамоадаги барча футболчилар билан яхши алоқадаман. "Бавария"да ҳаммаси жуда юқори профессионал даражада ташкил этилган.


- Сен янги коллективга жуда тез киришиб кетдинг...
- Ҳа, бу мен учун ортиқчи муаммо келтириб чиқармади. Мен бундан 10 йил аввал "Ливепуль"га келганимда ҳам жамоага киришиб кетишда муаммога дуч келмагандим. "Бавария"га ўтишимга асосий сабаб янги тажриба тўпламоқчи эдим. Бундеслига ва "Бавария"нинг ўзгача жамоа эканлигини ўз кўзим билан кўриш эди. Бу юриш мени фаолиятимдаги энг яхши танловлардан бири бўлди дея оламан.

- Балки бизга шундай туюлаётгандир, кўринишидан Бастиан Шванйштайгер билан бир-бирларингизни сўзсиз тушунаётгандексизлар...?
- Бастиан жуда яхши инсон. Швайнштайгер жуда зўр дўст. Бизлар авваллари жуда кўп бир-биримизга қарама-қарши ўйнаганмиз. Иккаламиз ҳам ўзимизнинг ўйинларимиздан лаззатланамиз. Басти "Бавария"нинг асосий футболчи ҳисобланади. Швайнштайгер жамоа фахрийси саналади. Бу футболчи жамоанинг "юзи" ҳисобланади.

- Тўп узатмаларни амалга ошириш сенинг энг асосий қуролинг. Ёшлигингда ҳам шунақанги тўп узатишларни қойиллатармидинг?
- Бу менинг ишим. Қачонки сен майдон марказида ўйнасанг, унда биринчи қиладиган ишинг бу жамоадошларингни тўп билан таъминлаш. Ҳимоя ва ҳужум чизиғини боғлаб туриш мени вазифам. Ўйинга темп бағишлаш ҳам менинг асосий ишларимдан бири саналади.

- Немис тилини ўрганиш ишлари қандай кечмоқда?
- Таътил пайтида мен уйга вазифаларни бажаргандим. Мюнхенда тил ўрганишни яна давом эттираман. Аста-секин ўрганиб бормоқдаман. Лекин немис тили анча қийин экан. Бироқ вақт керак ҳали. Немис тилини ўрганишга қарор қилганман ва бу мени майдондан ташқаридаги асосий ишларимдан бири.

- Жамоада сени асосий тил ўқитувчинг ким?
- Томас Мюллер.

- Томас? Ундан кўпроқ "баварияча"ни ўрганиш мумкин...?
- Ҳа, асталик билан немисчани ўрганмоқдаман. Кейинчалик бу тилни ҳам ўрганиб оламан.