"Волфсбург" - "Бавария" учрашуви ўз вақтида бошланади

Бироқ тур доирасидан ўрин олган "Волфсбург" - "Бавария" учрашуви ўтказилиши сўроқ остида турганди. Боиси Волфсбург шаҳрида содир бўлган электр носозлиги туфайли учрашув ўтказиладиган стадион атрофида чироқлар ўчиб қолганди. Шунинг учун мазкур баҳснинг ўтказилиш вақти ўзгартирилиши мумкин экани айтилаётган эди.

Аммо бир неча дақиқа аввал "Волфсбург" жамоаси матбуот котиби Оливер Шрафт учрашувнинг ўз вақтида бошланишини маълум қилди:

- Учрашув вақти ўзгармайди. Бу ҳақда маълумот олдик. Матч ўз вақтида бошланади, - деди Шрафт.

Эслатиб ўтамиз, "Волфсбург" - "Бавария" учрашуви бугун 19:30да бошланиши кўзда тутилган.