Воҳид Холбоев: "Жамоамиз кўрсатган ўйиндан қониқдим"

Ўйиндан кейин “Локомотив-W” бош мураббийи Воҳид Холбоевнинг фикрлари билан қизиқдик.

- Жамоамиз кўрсатган ўйиндан кўнглим тўлди. Қизларга бунинг учун раҳмат айтаман. Жамоамиз асосан ёш ўйинчилардан ташкил топган. Улар аввал “Севинч” жамоаси билан туқнаш келмаган, чунки олий лигада энди фаолиятимизни бошладик. Албатта, бугунги рақибимиз жуда кучли жамоа бўлиб, бунга анча тайёргарлик кўргандик. Шунинг учун биринчи бўлимда рақибга муносиб қаршилик кўрсатдик, ҳатто биринчи бўлиб ҳисобни очишимиз ҳам мумкин эди. Аммо, ҳаяжон бўлдими ё тажриба етишмадими буни амалга ошира олмадик.

- Биз олий лигада энди ўйнай бошладик ва аста-секин бу камчиликларни йўқотиб борамиз. Клубимиз ўз олдига доимо юқори мақсадларни қўядиган клуб ҳисобланади. Мақсадимиз аёллар футболида ҳам юқори ўринлар учун кураш олиб борадиган жамоа тузиш, бу мақсад учун курашамиз, бизга клуб раҳбарияти томонидан эътибор катта, мана шу майдонда ҳар куни машғулот олиб боряпмиз, футболда машқ майдони ҳам катта рол ўйнайди.