"Водий футболи". Ашурматов МТЖда

"Нефтчи": Бугун Шерзод Ҳакимовни никоҳ тўйи

"Олмалиқ" билан ўйиндан кейин мураббийлар штаби футболчиларга бугун дам берди. Аввал хабар берганимиздек, бугун ҳужумчи Шерзод Ҳакимовни тўйи. Шу муносабат билан "Нефтчи ФК" аъзолари бугун Ҳакимовнинг висол оқшомида иштирок этади. Шерзодга жамоа аъзолари ва сайтимиз номидан бахт саодат тилаб қоламиз.

"Қўқон-1912": Жамоа бугун йиғилади

"Металлург"га қарши учрашувдан кейин футболчилар бир кун хордиқ чиқарди. Бугун жамоа аъзолари ўз қароргоҳида йиғилади. Эртадан эса навбатдаги баҳсга тайёргарлик Тошкентда давом эттирилади. Эслатиб ўтамиз қўқонликлар 12 июнь куни Ўзбекистон Кубоги доирасидан ўрин олган "Сўғдиёна"га қарши учрашувда майдонга тушади.

"Андижон": Жамоа эртага "Спорт" меҳмонхонасида йиғилади

Эдгар Гесс шогирдлари бугун ҳам дам олмоқда. Улар эртага Андижондаги Спорт меҳмонхонасида йиғилади ва Кубокдаги навбатдаги рақиб - "Металлург"га қарши баҳсга ҳозирлик кўради.

Таркибда иккита жиддий йўқотиш бу - Санжар Асқаралиев ва Иброҳим Отахоновдир.

"Навбаҳор": Ашурматов МТЖ да

Хабарингиз бор, бугун миллий терма жамоамиз Тошкентда навбатдаги йиғинни бошлади. Маълумки бош мураббий Миржалол Қосимовнинг ёрдамчиси "Навбаҳор" устози Бахтиёр Ашурматов ҳам терма жамоада фаолиятини давом эттирмоқда. "Лочинлар" эса режага кўра, 10 июнь чоршанба куни йиғилади.