Владимир Ежуров: "Иккала бўлимда икки хил ўйин гувоҳига айландик"
18 сен 2022 23:33
Новости

Владимир Ежуров: "Иккала бўлимда икки хил ўйин гувоҳига айландик"

"Нефтчи" бош мураббийи Владимир Ежуров Coca Cola Суперлигасининг 19-туридан ўрин олган "Динамо"га қарши ўйиндан сўнг фикрлари билан ўртоқлашди.

Ўйин ҳақида

"Барчага хайрли кеч. Илк навбатда, йигитларга миннатдорчилик билдираман. Шундай асабий ўйинда улар ўзларини кўрсата олишди. Иккала бўлимда икки хил ўйин гувоҳига айландик. Биринчи бўлимда тезкор гол урган бўлсак-да, дарвозамиздан тўп олиб чиқдик. "Динамо" яхши шаклланган жамоа. Хурсанд қиладиган жиҳати, йигитлар танаффус вақтида берилган кўрсатмаларни тўғри тушунишди. Бундан буён бўшашиш керак эмас. Фақат олдинга интилишимиз лозим.

— Шаҳзод Убайдуллаев нега майдонга туширилмади?

— Унга бироз дам олиш имконини бердик. Кўрган бўлсангиз, бугун янги куч билан майдонга тушдик ва улар фойда келтирди.

- Жамоа шу темпни танаффусдан кейин ҳам сақлаб қола оладими?

- Катта танаффуслар йўқ. Ишни тўғри режалаштиришимиз керак. Футболчиларга функционал тайёрланиб олиши учун имкон берамиз. Ўртоқлик учрашувлари орқали ритмни ушлаб туришга ҳаракат қиламиз. Ҳозирда 23 санада "Алай" билан, кейин 27 санада "Қўқон-1912" билан ўйнаймиз. Навбатдаги расмий учрашувга режа асосида тайёрланамиз.

Футбол мухлислар учун. Улар билан доим мулоқотдамиз. Ишқибозлар хурсанд экан, демак ҳаммаси жойида.

Ссылка :

Источник : championat.asia

Получайте новости прямо в Telegram!

Рейтинг: +5