Виталий Денисов: «Слуцкий "Локо"дан ҳеч кимни чақирмагани ёқимсиз ҳолат»

- Биз имкон қадар тўп назоратини ўзимизда ушлаб туришга ҳаракат қилдик. "Уфа" камчиликда ўйнаганида бизга олдинга ўтиш осонлашди ва бўш ҳудудлар кўпайди. Баъзи футболчилар шунчаки ўйнашни бошлашди. Бундай ҳолатлар футболда бўлиб туради.

- "Локомотив"дан Россия терма жамоасига ҳеч ким жалб этилмагани оғир ботгандир...

- Сиз буни бунга қадар кимларни чақиришган бўлса ўшалардан сўраганингиз маъқул. Шахсан мен учун бу ёқимсиз ҳолат бўлди. "Локомотив" Россия кубогини ютди, мавсумни ажойиб ўтказди. Янги мавсум стартини ҳам ажойиб бошладик. Лекин "Локо"дан ҳеч ким йўқ? Бу мен учун ҳам савол бўлиб турибди. Албатта, кимни чақиришни мураббий ҳал этади. Айнан бош мураббий натижага жавобгар ҳисобланади. Бу ҳақида биз бирор нарса дея олмаймиз. Шунчаки жамоамиздан ҳеч ким жалб этилмагани ёқимсиз ҳолат, кишини ранжитди.

- Сизларга қадар "Нефтяник" стадиони борасида "Зенит" эътиро билдирганди. Сизларга муаммо келтириб чиқармадими стадиондаги шароит?

- Бироз совуққина бўлди. Лекин шуни унутмаслик керакки, сунъий майдон бу сунъий майдон. Баъзи жиҳатларда албатта футболчиларга ноқулайликлар келтириб чиқаради. Айниқса жароҳат олган футболчилар учун жуда ноқулай. Бунақанги майдонда футбол ўйнаш қийин. Бу каби майдонда жароҳат олиш жуда осон. Бугун эса бахтимизга ҳеч ким жароҳатланмади.