RU

Последние новости

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  8 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Виталий Легай: "Кубокда имкон қадар узоқроққа боришни истаймиз" Новости

Виталий Легай: "Кубокда имкон қадар узоқроққа боришни истаймиз"

Биринчи лига вакили Чустнинг "Чуст-Пахтакор" жамоаси кеча Ўзбекистон Кубоги саралаш босқичида "Локомотив-БФК"га қарши ўйнади.
Мазкур ўйинда мезбонлар ғалабага эришиб кейинги босқич масаласини ҳал қилди. Учрашувдан сўнг чустликлар устози Виталий Легай сайтимизга интервью берди.

- "Чуст-Пахтакор"ни қабул қилиб олганингиздан кейин биринчи расмий ўйинни Локомотив-БФКга қарши ўтказдингиз. Умуман олганда мураббий сифати дебютингиз омадли чиқди. Ортда қолган баҳс хусусида нима дейсиз?
- Мавсумнинг биринчи ўйини ҳар доим хоҳ чемпионат бўлсин, хоҳ Кубок баҳси доим қийин бўлади. Жумладан Локомотив-БФКга қарши ўтган учрашув ҳам осон бўлмади. Жамоани қабул қилиб олганимга кўп вақт бўлмади. Қолаверса йиғин ҳам бироз кеч бошланди. Шу боис футболчиларнинг бир-бирлари билан тўлиқ тушуниб кетишлари учун яна озгина вақт керак бўлади. Учрашув ҳақида тўхталадиган бўлсам, йигитлар мен талаб қилган ўйинни 50-60 фоизга кўрасата олишди. Асосийси якунда мавсумни ғалаба билан бошладик. Бундан жуда хурсандман.

- Кубокда Чуст-Пахтакорнинг мақсади қандай?
- Раҳбарият томонидан Кубокда жиддий мақсад қўйилмаган бўлса-да, биз имкон қадар узоқроққа боришни хоҳлаймиз. Чемпионатда эса муносиб курашиб, юқори ўринлар учун курашамиз.

- Жамоангиз таркибига эътибор қаратадиган бўлсак, Элдор Исабоев, Оятулло Муҳитдинов ҳамда Аюбхон Гаппаров сингари ўз вақтида олий лига клубларида ҳаракат қилган ўйинчиларни кўришимиз мумкин...
- Албатта бу каби футболчиларнинг жамоамизда ўйнаши ишимизни янада енгиллаштириши табиий. Барибир уларда катта футбол тажрибаси бор. Ўсиб келаётган ёшларга уларнинг тажрибаси асқотади деб ўйлайман. Юқорида айтиб ўтганимдек, жамоамиз таркиби деярли янгитдан тузилди. Чемпионатнинг 3-4 тури ўтгач ўйинимиз ҳам янада шаклланади деган умиддаман.

- Энди жамоангиз чемпионатдаги илк ўйинни сафарда Қўқон-1912га қарши ўтказади. Бўлажак баҳсга шогирдларингизни қандай тайёрлаяпсиз?

- Қўқон-1912 кучли жамоа. Бежизга улар бу йил ўз олдиларига элитага чиқиш вазифасини қўймаяпти. Шу боис ўйин қийин бўлишини олдиндан хис этяпмиз. Лекин шунга қарамай биз ҳам қўл қовуштириб турмоқчи эмасмиз. Имкон қадар сафардан ижобий натижа билан қайтишни хоҳлаймиз. Насиб қилса Қўқонда мухлислар қизиқарли ўйинга гувоҳ бўлади.

Исломбек РУСТАМБЕКОВ.
Рейтинг:    

Комментарии

championat.asia
< посмотреть последние новости
Яндекс.Метрика