Виталий Денисов: «Барчаси изига тушиб кетишига умид қиламан»

– Биз мақсадга эришмадик, унга яқин ҳам келганимиз йўқ. Мавсум бошидаги омадсиз иштирокимизга нима сабаб эканини билмайман. Қаердадир ростдан ҳам ёмон ўйнадик. Балки, чемпионат бошидаги ҳаяжон таъсиридир. Бироқ биз жуда ҳам ёмон ўйнаяпмиз дея олмайман. Умид қиламанки, яқинда барчаси яхши бўлади.

- Буссуфа кетганидан сўнг жамоада ким яратувчи?

– Бусс бизнинг суперяратувчимиз эди дея олмайман. Ҳозир Миранчук, Фернандеш ва Сергей Ткачев бор. Мана шу футболчилар уни ўрнини босишмоқда.

- Кейинги ўйин «Зенит»га қарши. Ҳозир бу энг қийин рақибми?

– Нимага? Топ-клубларга қарши ўйнаш премьер-лигага энди чиққанларга қарши ўйнашдан осонроқ. «Зенит» ўзи ҳам ўйнайди, рақибга ҳам ўйнашга имкон беради.

- Премьер-лигада энг ноқулай рақибингиз Халкми?

– Унинг кучли сифатлари бор: Халк тезкор, яхши дриблингга эга. Аммо охирги марта мени ўрнимда ўйнаган Ренат Янбаев уни ажойиб тарзда "ёпиб қўйганди". Халк жуда асабийлашганди. Ҳеч нима ўхшамаса футболчи кўп марта ҳакамга эътироз билдиради, – дейди Денисов.