Виллаш-Боаш: "Ушбу учрашувдаги асосий мақсадимиз 3 очко олиш"
21 фев 2017 11:59
Новости

Виллаш-Боаш: "Ушбу учрашувдаги асосий мақсадимиз 3 очко олиш"

"Шанхай СИПГ" бош мураббийи Андре Виллаш-Боаш "Сеул"га қарши бўлиб ўтадиган Чемпионлар лигаси "F" гуруҳи 1-тур учрашувидан олдин матбуот-анжуманида қатнашди.

"Халк ва Ву Лейлар яхши формада ва "Сеул"га қарши баҳсга 100% тайёр.

Ву Лей сўнгги ўртоқлик учрашувида иштирок этмаган эди, аммо жароҳатидан қутилди.

Жамоа ўтган мавсум чорак финалга чиққан эди? Ўтган мавсум ўтиб кетди.

Ҳозир янги мавсум бошланди. Футболда ғалаба ва мағлубиятлар бўлиши одатий ҳол. Рақибимиз янги ва таркибимизда ҳам ўзгаришлар рўй берди (Оскар ва Одил Аҳмедов).

Бизнинг биринчи мақсадимиз гуруҳ босқичини муваффақиятли якунлаш. Кейинги босқичга чиқиш учун етарлича очко тўплашга бор эътиборимизни қаратамиз.

Гуруҳимизда ОЧЛ ғолибига айланган жамоалар бор ("Вестер Сидней Уондерс" ва "Урава Редс"). Кучли жамоалар йиғилган гуруҳда рақобат ҳам шунга яраша бўлади.

Ҳар бир очко биз учун жуда муҳим. Ушбу учрашувдаги асосий мақсадимиз 3 очко олиш. Бу лойиҳа ғалаба қозониш яратилган" - дейди Виллаш-Боаш.

Ссылка :

Источник : ESPN FC

Получайте новости прямо в Telegram!

Рейтинг: +5