Виктор Кумиков: "Илдар Маматказин сафимизга қайтганидан хурсандман"
08 апр 2022 18:46
Новости

Виктор Кумиков: "Илдар Маматказин сафимизга қайтганидан хурсандман"

Ўзбекистон кубоги гуруҳ босқичи 1-туридан ўрин олган "Янгиер" - "Андижон" (1:3) учрашувидан сўнг меҳмонлар устози Виктор Кумиков фикрлари билан ўртоқлашди.

"Ўйинни назорат қилдик. Ғалаба қозонишимизга ишонч ортгач айрим футболчиларни захирага олишга қарор қилдик. Чунки жароҳат олганлар бор эди. Бугун имконият берилган ёш футболчилар ишончларни оқлашди, дея оламан. Шерзод Эсонов гол урганидан хурсандман. 3:0дан кейин бўшашимиз табиий эди. Футболчилар ютдик, деган ҳаёлга боришди шекилли. Муҳими - ғалаба. "Янгиер" курашувчан жамоа. Фақат қандай тактикада майдонга тушиши жумбоқ бўлиб турганди.

Илдар Маматказин ярим ой майдонга тушмаганди. У жамоа сардори сифатида яхши ҳаракат қилди. Сафимизга қайтганидан хурсандман. Кейинги рақибимиз "Сўғдиёна" Суперлига жамоаси. Уларнинг ўйинларини кўриб яна таҳлил қиламиз",- дейди Кумиков.

Ссылка :

Источник : championat.asia

Получайте новости прямо в Telegram!

Рейтинг: +4