Виктор Кумиков: "Барибир Суперлига ва Про-лига даражаси сезилади"

- Ўйин ҳақида

- Биз кубок мусобақаларида юришимизни давом эттирмоқчи эдик. Жуда кўп имкониятлардан фойдалана олмадик. Суперлига ва Про-лига даражаси ўйин борасида кўзга ташлангани йўқ. Аммо, вазиятлардан фойдаланиш маҳорати бўйича меҳмонлар устунлик қилишди. Эътибор берган бўлсангиз, "Андижон"да 5-6 та яққол голли вазиятлар бўлди. Агар ўз имкониятларимиздан тўғри фойдалана олганимизда ҳисоб бошқача бўларди.

- Суперлига ва Про-лига ўртасидаги фарқни сездингизми?

- Албатта, фарқ сезилмасдан қолмайди. Охирги зарбаларни йўллашда жамоаларнинг фарқи кўриниб турибди. Бошқа исталган Суперлига жамоаси билан ўйнаганимизда ҳам бизга комбинацион футбол таклиф этган бўлишарди. Қийин ўйин ўтказдик. Футболчилар ўзаро узатмаларда ва бўш худудлар яратишда қийинчиликка дуч келишди. Про-лигада даража бошқа. Адашмасам, тўп икки ёки уч марта меҳмонлар ҳимоя чизиғи вакилларининг қўлига тегди. Бу кўриниб турган холат эди. Вазиятларимиздан фойдаланиб гол уришимиз зарур эди.

- Фарҳод Соҳибжоновнинг алмаштирилишини қандай изоҳоайсиз?

- Соҳибжонов зўр ўйнади, аммо ўша вақтда чарчаб қолганди. Тўпларга улгурмай қолгани учун алмаштирдик. Ахир заҳирасиз ўйнай олмаймизку! Шундан келиб чиқиб олдинги чизиқни кучайтириш учун Зафар Полвоновни майдонга туширдим.