Виктор Жалилов: "Охирги дақиқаларгача кескин кураш кечди"

- Ўйин ҳақида

- Ўйин ҳар икки жамоа учун қийин ўтди. Охирги дақиқаларгача кескин кураш кечди. Гол уришимиз мумкин эди, бироқ омад келмади. Шу каби мағлубиятлар ҳам учраб туради.

- Жамоангиз айнан қайси жиҳати билан рақибга ютқазди?

- Кўп жиҳат бўйича мағлуб бўлди. Яккакурашларда имконни бой бердик. Ўйлашимча, тенг ўйин бўлди, бироқ ютқаздикми, демак, кўплаб вазиятларда мағлубиятга учрадик.

- "Навбаҳор" ўйинчилари айрим вазиятларда тартибсиз ҳаракатланишди. Бунга қандай изоҳ берасиз?

- Ўйлайманки, сезиларли даражадаги тартибсизликка йўл қўйилмади. Тезроқ мағлубиятдан қутулиб қолиш йўлида ҳаракат қилишди. Қайсидир жиҳатдан фожиали тарзда мағлуб бўлганимизни кўрмадим. 

- Соловьёв бугун нега ўйнамади?

- Соловьёвда кичик жароҳат бор, шу боис уни майдонга тушириб, таваккал қилишни хоҳламадик.