Ван Перси ЖЧда ван Галдан калтак егани ҳақида гапирди
24 мая 2020 15:15
Новости

Ван Перси ЖЧда ван Галдан калтак егани ҳақида гапирди

Нидерландия термасининг собиқ футболчиси Робин ван Перси ЖЧ-2014нинг чорак финалида Коста-Рикага қарши ўйинда бош мураббийи Луи ван Гал тўсатдан уриб қолганини айтди.

"Ўйиннинг қўшимча бўлимлари бошланди ва менинг оёқларим томири тортиша бошлади. Ван Гал менга қараб: "Сени алмаштираман", деб бақирди. Унга эса мен: "Йўқ, йўқ, тез орада пенальтилар серияси бошланади", деб жавоб бердим. Сўнгги 20 дақиқа жуда қийин ўтди. Ван Гал эса менинг қийналаётганимни кўриб жаҳли чиқаётганди.

Ўйин якунланганидан кейин барчамиз ён чизиқда йиғилдик, у менинг олдимга келди ва кутилмаганда уриб қолди. Бам! Катта ва оғир қўл менинг танамга келиб урилди ва у шундай деди: "Мен билан бошқа бундай гаплашма!".

Ван Гал баъзида футболчиларни қучоқлаши ҳам, зарба бериши ҳам мумкин", - деди ван Перси.

Ссылка :

Источник : Goal

Получайте новости прямо в Telegram!

Рейтинг: +4