Вальверде: "Меҳмонда кўпроқ гол уриш ниятидамиз"

"Челси"га қарши биринчи - меҳмондаги баҳсда кўпроқ гол уриш ниятидамиз. Рақибимиз жисмонан кучли жамоа, уларнинг футболчилари яхши ҳимояланишади ва қарши ҳужумда дарвозамизни ишғол қилишлари мумкин.

"Челси"га қарши учрашув ҳақида кўп ўйладик. Бу Месси ва барчамиз учун жуда муҳим ўйин. Турнирдаги иштирокимизни давом эттирмоқчимиз.

Дембеле? У худди бошқалар каби майдонга тушишга тайёр.

Гомес ва Паулиньо? Андре - кўплаб позицияларда ўйнашга қодир футболчи, Паулиньо эса - рақиб дарвозасига гол уришни ёқтиради. Бразилиялик ярим ҳимоячи бизга фойда келтириши мумкин. У эртага майдонга тушадими ёки йўқми, билмаймиз.

Антонио Конте - дунёнинг энг яхши мураббийларидан бири. "Челси"га қарши қачон ўйнасангиз ҳам, бу ёмон вақт бўлади. Рақиб жамоада Азар, Мората, Педро ва Жиру каби футболчилар бор.

Ўтган мавсумдагидек меҳмонда ёмон ўйин кўрсатмасликка ҳаракат қиламиз, ўша омадсизликлардан хулоса чиқарамиз. "Эйбар"га қарши ўйин яхши имтиҳон бўлди, бироқ "Челси" билан ўйин бошқача ўтади" - дейди Вальверде.