Вальверде: "Истеъфо - адолатсизлик эмасди"

"Ўтган ойда деярли бирорта ўйин кўрмадим. Фақатгина "Атлетик" ва "Барселона" жамоалари иштирокидаги ўйинни томоша қилдим. Ўшанда футболга бироз яқинлашишни истагандим.

"Барселона"да ишлаш - ажойиб тажриба. У ерда ишлаганимдан мамнун эдим ва ҳар дақиқада истеъфога тайёр тургандим. Ўтган даврни таҳлил қилсак, истеъфо адолатсизлик эмасди.

Яқин вақтларда Японияга жўнаб кетаман ва у ернинг футболини томоша қиламан. Иньеста ушбу давлатни жуда мақтади.

ЕЧЛда ғолиб бўлиш осон эмас. "Рома" ва "Ливерпуль"га қарши ўйинлардаги мағлубият бизни тўхтатди. Ушбу турнирда барчаси бир ўйинга боғлиқ. Агарда ундан омадли ўтсанг, марра сеники", - деди Вальверде.