Вадим Абрамов: "Зоминга Германия терма жамоаси келса ҳам қийинчиликка дуч келади"

"Бугунги майдонда исталган жамоа қийналади. Бу ерда Германия терма жамоаси келса ҳам қийинчиликка дуч келади. Агар майдон ҳолати яхшиланса томошабинлар ҳам бошқача футбол кўра бошлашади", - деб гап бошлади Вадим Абрамов.

"Алишер Шоғуломов фақат битта тайм ўйнаётганининг сабаби бизда бир нечта кучли ҳужумчиларимиз бор. Барчага бирдек имконият бераяпмиз".

"Бундай майдонда комбинация қилишнинг иложи йўқ, тўпни олдинга тепиб юборсангиз ҳар доим ҳам ғалаба қозона олмайсиз. Сифатсиз майдонга тайёрланиб бўлмайди, тўпнинг қаерга боришини олдиндан билиб бўлмайди".

"Ҳакамлар иккала томонга хато қилишади, аслида мезбонлар томонига хато қилса мухлислар жим ўтиришади. Аксинча бўлса мухлислар бақиришади, бунинг оқибатида бошқача манзара ҳосил бўлади".

"Агар "Локомотив" ОЧЛ йўлланмасини қўлга киритса, Ўзбекистон номини муносиб ҳимоя қиламиз".

"Клубимиз таркибидан қанча кўп футболчи терма жамоага чақирув олишса бундан хурсанд бўламиз. Терма жамоа қанчалик юқори ўринни олса бизга ҳам яхши", - дейди Вадим Абрамов.