Вадим Абрамов: "Бугун ҳам яхши ўйнадик, ҳам ғалаба қозондик"

Ўйин ҳақида

- Қизиқарли ўйин гувоҳига айландик. "Қизилқум" яхши жамоа. Биринчи бўлим биз учун кўнгилдагидек ўтди. Иккита имкониятдан унумли фойдаландик. Иккинчи бўлимда ҳисобдан келиб чиқиб ўйнадик. Қарши ҳужумларда вазият яратишга ҳаракат қилдик. 2:0 ҳисобида ғалаба қозониш ёқимли албатта.

- Бу жамоанинг мавсум давомидаги энг яхши ўйинларидан бирими?

- Баъзан яхши ўйнаб туриб ҳам натижа бўлмаслиги мумкин. Бугун яхши ҳам ўйнадик, натижага ҳам эришдик.

- Навбатдаги турда "Олимпик" билан ўйнайсизлар. Кожо Қирғиз Республикаси терма жамоасига жалб этилиши мумкин. Бу жамоа учун муаммо бўладими?

- Кожонинг терма жамоа билан режаларини кўриб чиқамиз. Бизда ҳозир фақат бу муаммо бор эмас. Икки нафар ҳимоячимиз карточкалар сабаб ўйинни ўтказиб юборади. Мухлисларга ғалаба тортиқ этиш учун ҳаракат қиламиз.

- ОАВда Суперлига ўйинлари ёритилади. Бунда шарҳловчилар хатоси ёки шунга ўхшаш сизга ёқмайдиган жиҳат борми?

- Йўқ, ҳаммаси жойида. Мен бунақа муаммога дуч келганим йўқ.