ЎзФҲМ томонидан ушбу вазиятда «Динамо» посбонига нима сабабдан қизил карточка кўрсатилгани тушунтириб берилди

«Металлург» - «Динамо» учрашувининг 67-дақиқасида меҳмонлар посбони Р. Ягудин эркин зарба ижро этаётган вақтда тўпга бир марта оёғи билан тегди. Сўнг рақиб ҳужумчиси унга қараб келаётганда у иккинчи бор тўпга тегди ва якунда яққол голли вазиятни қоидабузиш орқали тўхтатиб қолгани учун майдондан четлатилди.

ИЗОҲ: "Футбол қоидалари - 2024/2025" китобининг 106-саҳифаси 12-қоидасида қайд этилишича, эркин зарба ижро этаётган дарвозабон тўпга бир мартадан кўп тегиниши мумкин эмас. Агар у рақиб жамоанинг голли вазиятини тўхтатиш учун тўпга иккинчи бор тегинса, сўнгги умид фоли ишлатгани учун тўғридан-тўғри қизил карточка билан жазоланади.