Уругвай 4та ўйинда 1та гол ўтказиб юборди ва 1та сариқ карточка олди
01 июл 2018 07:39
Новости

Уругвай 4та ўйинда 1та гол ўтказиб юборди ва 1та сариқ карточка олди

Теги : ЖЧ 2018 Уругвай Португалия

Португалияни мағлуб (2:1) этиб, чорак финалга йўл олган Уругвай термаси мундиалдаги энг кучли ҳимояга эга жамоа бўлиб турибди.

Жанубий Америка жамоаси ҳозиргача ўтказилган 4та учрашувда ўз дарвозасидан бор йўғи битта гол ўтказиб юборди. Оскар Табарес шогирдлари Миср (1:0), Саудия Арабистони (1:0), Россия (3:0) ва Португалия (2:1) терма жамоаларини мағлуб этишнинг уддасидан чиқди.

Эътиборлиси, уругвайликларга мана шу 4та ўйинда биттагина сариқ карточка кўрсатилди. Шунда ҳам ҳимоячи эмас, аксинча ярим ҳимоя вакили Родриго Бентанкур Португалия билан учрашувда огоҳлантирилди.

Бугунга келиб Уругвай ЖЧ-2018 финал босқичида энг кам гол ўтказиб юборган жамоа бўлиб турибди. Дарвозани “Галатасарой” посбони Фернандо Муслера қўриқламоқла. Ҳимоя марказида “Атлетико” футболчилари Диего Годин ва Хосе Хименес ўйнаяпти.