Уммон терма жамоаси Тошкентга етиб келди

Жамоа Тошкентдаги «Миран» меҳмонхонасига жойлашди.

Уммон терма жамоаси делегацияси 35 кишидан иборат бўлиб, унинг 23 нафарини футболчилар ташкил қилади. Қолган 12 киши эса франциялик мутахассис Пол Ле Гуэн қўл раҳбарлигидаги жамоа мураббийлар штабини ташкил қилади.

Эслатиб ўтамиз, 27 ва 29 май кунлари Ўзбекистон миллий терма жамоаси Уммон термасига қарши иккита ўртоқлик учрашуви ўтказади. Биринчи ўйин Олмалиқ шаҳридаги янги қуриб битказилган ОКМК спорт мажмуаси стадионида ўтказилса, иккинчи ўйин Тошкентдаги «Жар» стадионида бўлиб ўтади. Ҳар иккала ўйин 19:00да бошланади.

Қуйида Уммон миллий терма жамоасининг Тошкентга келган ўйинчилари рўйхати келтирилган:

Дарвозабонлар: Али ал-Ҳабсий (Уиган, Англия), Файз ал-Рушаидий (Ал-Суваик, Уммон), Мазин ал-Касбий (Фанжа, Уммон);

Ҳимоячилар: Жобир ал-Овайсий (Ал-Шабаб, Уммон), Али Салим Наҳар (Дхофар, Уммон), Абдулсалом Амир (Банияс, БАА), Муҳаммад ал-Мусаламий (Фанжа, Уммон), Ҳасан Музаффар (Дофар, Уммон), Саъд Суҳайд (Фанжа, Уммон), Муҳсин ал-Халдий (Саҳам, Уммон);

Ярим ҳимоячилар: Али ал-Жабрий (Ал-Наҳда, Уммон), Ийд ал-Форсий (Ал-Наҳда, Уммон), Қосим Саид (Ал-Наср, Уммон), Аҳмад ал-Маҳаижрий (Фанжа, Уммон), Жума ал-Маъшарий (Ал-Оруба, Уммон), Раид Солиҳ (Фанжа, Уммон), Муҳаммад Салим ал-Маъшарий (Фанжа, Уммон), Фаҳад ал-Жалбубий (Саҳам, Уммон), Муҳаммад ал-Шеиба (Ал-Наҳда, Уммон), Ҳусайн ал-Хадрий (Риёз, Саудия Арабистони);

Ҳужумчилар: Сами ал-Ҳасний (Сур СК, Уммон), Аҳмад ал-Хусний (Ал-Наср, Саудия Арабистони), Ёқуб Абдулкарим (Саҳам СК, Уммон).