УЕФА нинг собиқ президенти вафот этди

У 89 ёшда эди. Швециялик собиқ бошқарувчи кеча узоқ давом этган касалликдан сўнг вафот этди.

Йоханссон УЕФАни 1990 йилдан 2007 йилгача бошқарган. У бу лавозимда узоқ вақт ўтириш бўйича рекордчи ҳисобланади. 1967 йилдан 1980 йилгача "АИК" клуби президенти лавозимида ишлаган. Кейинчалик у клубнинг фахрий президенти этиб тайинланган.

Айнан унинг даврида УЕФАда ислоҳотлар даври бошланди ва биз севиб кўрадиган Чемпионлар Лигаси мусобақаси ташкил этилди. Европа мамлакатлари қўллаб-кувватлаганига қарамай, 1998 йилги ФИФА президентлиги сайловларида ютқазди. У ўшанда Йозеф Блаттерга ютқазган эди. Агар ўшанда Йоханссон сайловда ғалаба қозонганида бугунги футбол қандай бўларди? Афсус, футбол оламининг буюк одами ҳаётдан кўз юмди.