УЕФА Чемпионлар лигасида ҳафтанинг энг яхши футболчиси номини эълон қилди
14 апр 2017 16:10
Новости

УЕФА Чемпионлар лигасида ҳафтанинг энг яхши футболчиси номини эълон қилди

Кеча УЕФА расмий сайти Чемпионлар лигасида ҳафтанинг энг яхши футболчиси борасида сўровнома бошлаган эди.

Даъвогарлар орасида қуйидаги футболчилар мавжуд эди: Пауло Дибала ("Ювентус"), Килиан Мбаппе ("Монако"), Криштиану Роналду ("Реал") ва Антуан Гризманн ("Атлетико").

"Ювентус" - "Барселона" учрашувида Пауло Дибала дублга эришди. Килиан Мбаппе ҳам "Боруссия"га қарши ўйинда 2 та гол урди. Криштиану Роналду "Бавария" дарвозасига 2 та гол уришга муваффақ бўлди. Антуан Гризманн эса "Лестер Сити" билан ўйинда пенальтини голга айлантирди.

Ҳафтанинг энг яхши футболчиси номига "Реал" ҳужумчиси Криштиану Роналду сазовор бўлди.