"Мбаппе кучли босим остида ўзини қандай тутиши қизиқ" — Миятович

"Бу эртароқ ўтказилаётган финал ҳисобланади ва унда ўз олдига энг юқори мақсадларни қўювчи икки клуб дуч келади.

"Реал"нинг кўплаб жиҳатларда устунлиги мавжуд. Ла Лигани эсдан чиқармаслик зарур, лекин ҳозир энг "ширин жойи" келган ва футболчилар буни яхши билади.

Агар Бензема майдонга туша олса, бу "Реал" учун катта ютуқ бўлади. Шундай бўлсада, Каримсиз ҳам мадридликлар сафида ўйин тақдирини ҳал қила оладиганлар етарли.

Мбаппе ҳақида гапирсак, у кучли характер соҳиби. Бунга қарамай, у  кучли босим остида қолади. Балки у бу босимни енга олар, лекин унинг таъсири бўлиши аниқ. Буни томоша қилиш қизиқ бўлади. Буни ўз тажрибамдан келиб чиқиб айтяпман.

Парижда у умридаги энг ёрқин ўйинни кўрсатишга ҳаракат қилади, бироқ жавоб беллашуви "Сантьяго Бернабеу"да бўлиши, футболчи келажаги ўша ер билан боғлиқлигини ёдда тутиб, тўп тепиши "Реал" фойдасига ишлайди", – деди Предраг Миятович.