U-23 Осиё чемпионати. Хитой - Ўзбекистон. Ўқувчиларимиз энг яхши ўйинчини аниқлашди
13 янв 2020 22:26
Новости

U-23 Осиё чемпионати. Хитой - Ўзбекистон. Ўқувчиларимиз энг яхши ўйинчини аниқлашди

Кеча U-23 Осиё чемпионати доирасида Хитой - Ўзбекистон ўйини бўлиб ўтди.

Деярли 10000 ўқувчи иштирок этган сўровномада энг кўп овозни ярим ҳимоячи Азиз Ғаниев олди. Унга сўровномада иштирок этганларнинг 61 фоизи овоз берган.

Маълумот учун, Азиз Ғаниев Хитой билан ўйинда рақиб дарвозаси томон 5та зарба берди, шундан 2таси аниқ чиқди. Шерикларига 3та имконият яратиб берувчи пасни амалга оширди. Икки марта қанотдан тўпни жарима майдонига узатиб берди ва 5 марта узоқ масофага аниқ пас берди. 72та аниқ пас берган Ғаниев бу борада терма жамоамиз сафидаги энг яхши кўрсаткичга эга бўлди.