U-19 Осиё чемпионати. Ўзбекистон Саудия Арабистони, Жанубий Корея ва Қатар билан бир саватчада
04 июн 2020 13:20
Новости

U-19 Осиё чемпионати. Ўзбекистон Саудия Арабистони, Жанубий Корея ва Қатар билан бир саватчада

Теги : Ўзбекистон U-19 U-19 Осиё чемпионати

18 июнь куни ОФК штаб-квартирасида ёшлар ўртасидаги Осиё чемпионатига қуръа ташлаш маросими ўтказилади.

Куала-Лумпурда маҳаллий вақт билан соат 15:30да ёшлар чемпионатига қуръа ташлаш маросими бошланади.

Ушбу қуръа жараёнида Ўзбекистон ёшлар терма жамоаси мусобақа мезбони сифатида 1-саватчадан жой олади. Ўтган мусобақада энг яхши натижа қайд этган 3та терма жамоа Саудия Арабистони, Жанубий Корея ва Қатар биз билан бир саватчадан жой олишади ҳамда гуруҳ босқичида бизга рақиб бўлишмайди.

Ҳудди Ўзбекистон сингари олдинги U-19 Осиё чемпионати финал босқичига чиқа олмаган Эрон тўртинчи саватчадан жой олади.

U-19 Осиё чемпионати-2020 саватчалар рўйхати:

1-саватча: ЎЗБЕКИСТОН, Саудия Арабистони, Жанубий Корея, Қатар.

2-саватча: Япония, Тожикистон, Австралия, Индонезия.

3-саватча: Малайзия, Ироқ, Вьетнам, Камбоджа.

4-саватча: Эрон, Яман, Баҳрайн, Лаос.

Эслатиб ўтамиз, бу йилги U-19 Осиё чемпионати 14-31 октябрь кунлари Ўзбекистонда бўлиб ўтиши режалаштирилган. Мусобақа ўйинлари Тошкент, Олмалиқ ва Наманган шаҳарларидаги жами 4та стадионда ўтказилади.