U-16 Осиё чемпионати саралашига қуръа ташланди. Ўзбекистон "B" гуруҳидан жой олди
09 мая 2019 12:46
Новости

U-16 Осиё чемпионати саралашига қуръа ташланди. Ўзбекистон "B" гуруҳидан жой олди

2020 йил ўсмирлар (U-16) ўртасида Осиё чемпионати бўлиб ўтади.

Мусобақанинг саралаш баҳслари 11та гуруҳда ўтказилиши ва саралаш гуруҳларидан бирига Ўзбекистон мезбонлик қилиши ҳақида 23-апрель санасида хабар берган эдик.

Бугун Осиё футбол Конфедерациясининг Куала-Лумпурдаги штаб-квартирасида ана шу мусобақанинг саралаш беллашувларига қуръа ташлаш маросими бўлиб ўтди. Қуръа натижаларига кўра Ўзбекистон ўсмирлар терма жамоаси "B" гуруҳидан жой олди. Квартетда бизга Ҳиндистон, Баҳрайн ва Туркманистон ўсмирлари рақиблик қилишади. Қитъа биринчилиги саралашида Азамат Абдураимов бошчилигидаги терма жамоамизга омад тилаб қоламиз.