"Турон"га қарши ўйинда "Навбаҳор" қандай таркиб билан ўйнади?

Тўрақўрғондаги “Одил Жуниор” футбол академиясининг сунъий қопламали майдонида бўлиб ўтган мазкур назорат - синов баҳсида наманганликлар устози Андрей Канчельскис майдонга асосан кўрикдан ўтаётган легионерларни тушириб, уларнинг қандай маҳоратга эга эканликларини синаб кўрди.

Ушбу ўйинда “Навбаҳор” ҳар бир бўлимда ҳар хил таркиб билан ҳаракат қилди. Учрашувда яйпанликлар 2:1 ҳисобида ғалаба қозонишди. “Турон”нинг голларига Муҳаммадкомил Низомов ва Хуршид Асқаралиев муаллифлик қилишган бўлса, “лочинлар”дан тўпни россиялик ярим ҳимоячи Станислав Ефимов киритди.

Таъкидлаш жоизки, 1-бўлим дуранг 1:1 ҳисобида якунланганди. Ҳисобни яйпанликлар очишган, унга наманганликлар жавоб қайтаришганди.

Бироқ учрашувнинг ҳакам томонидан қўшиб берилган вақтида урилган голдан сўнг, яйпанликларга ютуқни нишонлашди.

Мазкур баҳсда “Навбаҳор” таркибида қуйидаги футболчилар ҳаракат қилишди: 

1-бўлимда: Исроил Обиджонов, Дониёр Умаров, Абдулазиз Нишонбоев, Искандар Сиддиқжонов, Тоҳир Шамситдинов, Буньямудин Мустафоев, Фуат Байрамов, Акрам Баҳриддинов, Вилим Посинкович, Станислав Ефимов, Мбасси Эммануэль Рикардо.
2-бўлимда: Жасур Турғунов, Маҳмуд Нажмиддинов, Алексей Курилов, Жавоҳир Олимжонов, Амирхон Иброҳимов, Абдурашид Валижонов, Дмитрий Скоблов, Абдулҳай Исмоилов, Билол Тошмирзаев, Грегори Нельсон, Артём Шербак.

Наманганликлар навбатдаги назорат - синов учрашувини 16 январь куни яна бир Про-лига вакили Фарғонанинг “Нефтчи” жамоасига қарши ўтказишади. Ушбу баҳс Фарғонада бўлиб ўтади.

“Навбаҳор” ПФК матбуот хизмати.