"Турон"да тожикистонлик мутахассис иш бошлади
30 ноя 2021 22:51
Новости

"Турон"да тожикистонлик мутахассис иш бошлади

"Турон" клубида вице-президенти лавозимига Александр Азимов тайинланди.

Бу ҳақида "Турон" клуби расман хабар берди.

"Бугун клубимиз қароргоҳида навбатдан ташқари йиғилиш бўлиб ўтди. Раҳбарият ва таъсисчилар иштирокида ўтказилган кенгайтирилган йиғилишда клуб вице-президенти лавозимига турли номзодлар масаласи кўриб чиқилди. Якуний қарорга кўра, тожикистонлик футбол фахрийси, таниқли мутахассис Александр Азимов мазкур лавозимга тайинланди.

Маълумот учун, Александр Азимов 1961 йили Тожикистон Республикасида туғилган. Футболчилик фаолияти давомида Душанбенинг "Памир", Австриянинг "WAC Вольфсберг", "Аустрия Клагенфурт" каби номдор клубларда ўйнаган.

Тажрибали мутахассисга клубимиздаги фаолиятида омад ёр бўлишини тилаймиз. Турон"га хуш келибсиз Александр Узакович!", -дейилади клуб баёнотида.