"Турон" тугатилгани эълон қилинди
24 мар 15:56
Новости
"Турон" тугатилгани эълон қилинди
Клуб мос равишда 2020 ва 2022 йилларда Про лигада муваффақиятли иштирок этди ва икки бор Суперлига йўлланмасига эга чиқиб, 2021 ва 2023 йилларда элитада иштирок этди. Асосий мусобақада "Турон" муваффақиятли тўп тепа олмаган бўлса-да, кўплаб мухлис ва мутахассислар эътирофига сазовор бўлди.
"Турон" хусусий клуб сифатида Лига томонидан қўйилган қатор талабларни бажаришга эришди. Яйпандаги Ўзбекистон стадиони қайта таъмирдан чиқарилди, унинг шарқий қисмига янги трибуна қурилди ва илк бор стадион ёритиш тизимига эга бўлди. Лига мазкур аренада 2022 йилги мамлакат Суперкубогини ўтказишга ҳам эришди. Ўзбекистон стадионидан узоқ тарихга эга бўлган "Қўқон-1912" ва "Нефтчи" футбол клублари ҳам бир қатор учрашувларда фойдаланди.
Клуб, шунингдек, болалар футболига ҳам эътибор қаратиб, ўз академиясини фойдаланишга топширганди. Замонавий база ва унга туташ ҳудудда машғулот майдонлари ҳам бунёд этилди. Қайд этиш керак, Суперлиганинг бир неча йиллик айрим клубларида ҳам бундай шароитлар мавжуд эмас.
Хусусий клуб ва унинг инвесторларига берилган имтиёзлар муддати ўз якунига етгач, "Турон" клубида молиявий қийинчиликлар бошланди. У 2024 йилни Биринчи лигада 17-18 ёшли футболчилар билан ўтказиб, якунда Шарқ минтақасида 11-ўринни эгаллаганди. Шу йилнинг 19 март куни эса "Турон" Лига қатнашчилари сафидан чиқишини расман маълум қилди.
Лига "Турон" футбол клуби ташкилотчи ва ташаббускорларига ўтган 6 йиллик ҳамкорлик учун миннатдорчилик билдиради.
Похожие новости
championat.asia
ЖЧ-2026 саралаши. Теҳронда дуранг ўйнадик
ЖЧ-2026 саралаши. Қирғизистон Қатарни таслим қилди
Тимур Кападзе: "Натижа адолатли бўлди деб ўйлайман, ЖЧга чиққанимиздан сўнг ҳам бош мураббий бўлиб қолишга умид қиламан"
ЖЧ саралаши. БАА 90+8 дақиқадаги гол эвазига КХДРни мағлуб этди
Комментарии
Sportchilar choʻqqiga erishib boʻlgach ularni uy, mashina, pulga koʻmib, kelajakni soliqqa, jarimalarga koʻmish. Sizlar notoʻri yoʻldasizlar.
Biz bilamiz chetda oʻynab yurganlar otasini, oʻzini mehnatibilangina, pullari bilangina yutuqqa erishishganini. Uyushmalar klublardan pul undirishi emas balki sarflab avlodni choʻqqiga opchiqishi zarur. Tadbirkor 1 soʻm tiksa davlat 9 soʻm tikishi kerak. Kegin maqtansa arzidi. Tayyor sportchilar bilan selfi tushib bizdan deysizlar, QACHONGACHA
Пақ этиб чиқиб шақ этиб йуқ булади бундай клублар.
Бизнинг муаммо хусусий ёки давлат тасарруфида булганида эмас.
Бизнинг муаммо футбол орқали миллиардлар пул ювилишида.
Қаёқдаги Серб,грузин,украин легионерлари бу пулларни ювилишида ишлатиладиган асосий ускуна.
Агар футболимиз ростан хам ривожланишини хохласак уша ажратилаётган пулларни қаттиқ контрол қилиш керак ва футболга "Пул еганни кутини ёриб ташлайдиган" ташкилотни бош қилиб қуйиш керак булади.
Бир сум пулни едими?Шартта кутини ёриб ташлайвериш керак,туғри ёрилган кутлар росаям купайиб кетади,аммо-лекин вақт утиб футболда кути билан уйлайдиган одамлар урнига кутини уйлайдиган одамлар келади.
Ушанда ривожланамиз.
Бир мавсум легионерларга кетаётган пулга исталган жамоа Узбекистон шароитида мега академия,база ва машғулотлар майдонларини қурса булади.
Зур жойлар тиқилиб ётибти.
Керак булса Чорвоқ,Водий,Зомин тарафлардан зур базалар қуриб мавсумолди машғулотларини узимизда бемалол,хамма шароитга эга базаларда уюштирса булади.
Туркия,Дубай қилиб юрмасдан.
Фақат бунинг учун ейишни тухтатиш керак.