Трент АПЛнинг энг яхши ёш ўйинчиси деб топилди

Мукофот 23 ёшдан кичик бўлган футболчиларга берилади. Трент лига ассистентлари рўйхатида иккинчи ўринни эгаллади (биринчи ўринда - Кевин де Брюйне). Бундан ташқари "Ливерпуль" якунланган мавсумда 12та қуруқ ўйин ўтказди.

21 ёшли англиялик футболчи овоз беришда Жек Грилиш ("Астон Вилла"), Мэйсон Гринвуд, Антони Марсьяль ва Маркус Рэшфорд (барчаси - МЮ), Дин Хендерсон ("Шеффилд Юнайтед"), Мэйсон Маунт ва Кристиан Пулишич ("Челси")дан устун келди.

Энг яхши ёш ўйинчини аниқлашда мухлислар, 20та клуб сардорлари ва футбол экспертлари иштирок этишади.