Тўхтахўжаев ва Турсунов юбилей ва бир қатор футболчилар дебют остонасида

Боиси икки нафар ўйинчимиз миллий терма жамоадаги юбилей учрашувини ўтказишга яқин турибди. Гап шундаки, ҳимоячи Ислом Тўхтахўжаев ва ярим ҳимоячи Санжар Турсуновнинг шахсий статистикасига эътибор қаратадиган бўлсак, уларни бунгача миллий жамоамиз сафида 29та ўйинда иштирок этганини кўриш мумкин. Демак, бугун катта эхтимол билан Иорданияга қарши кечадиган баҳсда бу футболчилар ўзларининг 30-юбилей учрашувларини ўтказиши мумкин.  

Тўхтахўжаев шу кунгача 29 та ўйин ўтказиб, 2271 дақиқа миллий терма жамоамиз манфаати учун майдонда жавлон урган бўлса, Турсунов 29та ўйинда 1871 дақиқа ҳаракат қилган ва 5 маротаба рақиблар дарвозасини ишғол этишни уддалаган.

Шунингдек бугунги ўйин Александр Лобанов, Элдор Суюнов, Дилшод Жабборов, Владимир Козак, Жамшид Искандеров, Егор Кримец ҳамда Игорь Сергеев каби футболчиларимиз учун ҳам муҳим ўрин тутади. Сабаби миллий терма жамоамизнинг Амманга йўл олган делегация таркибида бўлган ушбу ҳамюртларимиз Иордания билан бўлажак ўйинда миллий термамиз либосидаги дебют учрашувини ўтказиши кутилмоқда.

Футболчиларимизга Иордания билан ўйинда омад тилаган холда, уларнинг ҳар бири учун дебют муваффақиятли якун топишини тилаб қоламиз.

Исломбек Рустамбеков