Токио Олимпиадасига оид маълумотлар ва Миср ёшларининг Африкадаги ўрни ҳақида

Миср ёшлар терма жамоаси Африка чемпионати саралаш ўйинларининг 2-босқичида Руанда, 3-босқичида Анголани мағлубиятга учратиб қитъа чемпионатига йўл олган эдилар. Наибия давлатида бўлиб ўтган мусобақада жами 8та жамоа иштирок этган. Унда Миср "А" гуруҳида Намибия, Гвинея ва Мали терма жамоалари билан бир гуруҳдан ўрин олган ва 2та дуранг, 1та мағлубият натижасини қайд этиб гуруҳда 3-ўрин соҳиби бўлган. Ёшлар ўртасидаги ЖЧга Сенегал, Жанубий Африка, Гвинея ва Наибия терма жамоалари йўл олганлар.

Ҳудди шу мусобақанинг Осиёдаги қисмида Жасур Абдураимов бугунги кундаги олимпия терма жамоаси аъзолари билан қитъа чемпионатида гуруҳда 1-ўринни қўлга киритиб кейинги босқичга йўлланмани қўлга киритган эдилар. Ўшанда жамоамиз Тожикистон ва Австралия устидан ғалаба қозонган эдилар. Сўнгги, керак бўлмаган ўйинда Хитой билан дуранг ўйналган. Афсуски ЖЧ йўлланмасини берувчи ҳал қилувчи ўйинда чиройли ўйин кўрсатган бўлишимизга қарамай, Эронга имкониятни бой бериб қўйганмиз. Гарчанд кичик мундиал йўлланмасини қўлга кирита олмаган бўлсакда, ўша мусобақадан жуда кўпчиликнинг кўнгли тўлган эди.

Айни пайтда Миср терма жамоаси Токио Олимпиадаси учун йўлланма берадиган Африка чемпионатига тайёргарлик кўраяпти. Эътиборлиси шундаки, мусобақага айнан Миср 8 - 22 ноябрь кунлари мезбонлик қилади. 

Токио Олимпиадаси квоталари қуйидагича кўриниш олган:

UEFA - 4 (Италия ва Сан Марино, 16-30 июнь)

OFC - 1 (Фижи, 21 сентябрь - 5 октябрь)

CONCACAF - 2 (Коста Рика, октябрь)

CAF - 3 (Миср, 8-22 ноябрь)

AFC - 3 (Таиланд, 8-26 январь)

CONMEBOL - 2 (Колумбия, 15 январь - 2 февраль)