Тоҳир Кападзе: "Абрамовга барча шароитларни яратиб берамиз"

"Вадим Абрамовни талкиф этиш ташаббуси мендан чиққанди. Вадим карленович билан Ўзбекистон олимпия терма жамоасида уч йил бирга ишлаганмиз. Бундан ташқари, уни инсон ва мураббий сифатида жуда ҳам ҳурмат қиламан. Менга унинг ўйин услуби ёқади. Абрамов Фарғона футболчи учун яхши хизмат қилади. Ундан умидимиз катта. Ушбу мутахассиси жалб этилишида вилоят ҳокимининг ҳам ҳиссаси катта бўлди.

- Биз дастлаб "Нефтчи"ни ҳозирги мураккаб вазиятдан биргалашиб олиб чиқишимиз керак. Сўнгра келаси йилдан ўзгача мақсадлар қўямиз. Биз Абрамовни келажакни ўйлаган ҳолда олиб келдик. Бугунги кундаги вазифа жамоани имкон қадар юқорироққа олиб чиқиш. Қолганини келаси мавсумда гаплашамиз. Шуни алоҳида айтмоқчиманки, Вадим Карленович шунчаки "Нефтчи"ни сақлаб қолиш мақсадида келгани йўқ. Бу йил жамоани мустаҳкамлаб олсак кейинги йилда катта мақсадлар қўйилади.

Мураббийлар штабида албатта ўзгариш бўлади. Марат Мифтахутдиновни олиб келмоқчимиз. У ҳозирда "Машъал"да ишлаяпти. Абрамов қандай ёрдамчилар кераклигини ўзи танлайди. Биз унинг учун барча шароитларни яратиб берамиз",  - дейди Кападзе.