"Тобол" — Қозоғистон Суперкубоги соҳиби!

Ўйин сифатига об-ҳаво, майдон ҳолати сингари факторлар таъсир ўтказмаслиги учун учрашув Антальяда ўтказилди. 

Бундан бир неча кун аввал айнан шу рақиблар Қозоғистон футбол лигаси қишки кубоги финалида рўбаро келганди. Қизиғи, ҳар икки сафар ғолиб номи пенальтилар сериясида аниқланди. 

Бироқ ўртоқлик мақомидаги мусобақада "Ордабаси" зафар қучган бўлса, Суперкубок "Тобол"га насиб қилди.

"Ордабаси" сафидаги икки ҳамюртимиз Жасурбек Яхшибоев ҳамда Шоҳбоз Умаров ўйинда тўлиқ ҳаракат қилишди.  

Қозоғистон Суперкубоги.
25 февраль. Анталья. "Титаник Мардан" стадиони.
Бош ҳакам - Булат Сариев (Уральск).
"Ордабаси" - "Тобол" - 1:1.
Пенальтилар серияси - 4:5.
Голлар: Макаренко, 45+1 (1:0). Миладинович, 64 (1:1).