Тимур Кападзе: “ОЧЛда ғолиб бўламиз деб катта гапира олмайман”
18 фев 2017 07:00
Новости
![](https://championat.asia/upload/storage/240819_original.jpg)
![](/upload/storage/240819_220.jpg)
Тимур Кападзе: “ОЧЛда ғолиб бўламиз деб катта гапира олмайман”
Ушбу учрашув олдидан “Локомотив” клуби сардори Тимур Кападзе ўз фикрларини билдирди.
“Авваламбор режа асосида иккита хорижий йиғин ўтказдик. Ушбу хориж йиғинида 5-6 та жамоаларга қарши назорат учрашувларини ўтказдик. ОЧЛнинг гуруҳ босқичидаги Саудия Арабистонининг “Ал Таавон” клубига қарши илк учрашувга яхши тайёрландик, деб ўйлайман.
Ўйинимизда қандай камчиликлар борлигини “Ал Таавон”га қарши баҳсдан сўнг билиб оламиз. Бизнинг биргина камчилигимиз, ўйин амалиётимиз камлигиди. Чунки ҳозир Саудия Арабистони чемпионати айни қизғин паллага келган. Биз эса илк расмий ўйинимизни ўтказамиз. Бу жамоа биз учун янги рақиб, нафақат биз учун Ўзбекистон учун ҳам янги жамоа.
Уларнинг 3 та учрашувини кўриб чиқдик, мураббийлар бизга уларни кучли ва кучсиз тарафларини кўрсатишди. Умуман олганда ўз ўйинимизни кўрсата олсак керакли бўлган натижа билан қайтамиз. Тактикамизда ўзгаришлар деярли бўлгани йўқ.
ОЧЛ мусобақасида раҳбарият олдимизга катта вазифа қўйган. Бу дегани раҳбарлар бизга ишонч билан қарашмоқда. Биз ҳам мана шу ишончга жавобан вазифани уддалашга ҳаракат қиламиз. Тўғри биз ғолиб бўламиз деб катта гапира олмайман. Бунинг учун катта ҳажмдаги ишни олиб борамиз. Ҳар бир учрашувда ғалаба қозонишга ва босқичма-босқич кўтарилиб боришга интиламиз. Олдимиздаги биринчи вазифа гуруҳ босқичидан чиқиш”, - дейди “Локомотив” клуби сардори Тимур Кападзе.
Жаҳонгир Сотволдиев
Похожие новости
![AMP Logo](https://championat.asia/image/logo-amp.png)
Комментарии