Тимур Ҳакимов: "Парма"га қарши ўйинда ғалаба жуда муҳим"
04 фев 2014 13:07
Новости

Тимур Ҳакимов: "Парма"га қарши ўйинда ғалаба жуда муҳим"

Италияда 1948 йилдан буён мунтазам равишда ўтказиб келинаётган “Коппа Карнавале” кубоги старт олди.

Бугун Ўзбекистон шарафини ҳимоя қилувчи "Пахтакор" клуби мусобақадаги илк ўйинни мезбон клублардан бири "Парма"га қарши ўтказади.

Биз жамоа ҳужумчиси Тимур Ҳакимов билан боғланиб, унинг фикрлари билан қизиқдик.

"Италияга эсон-омон етиб келдик. Делегациямиз Виарежжиодаги "Caribe" меҳмонхонасига жойлашди. Об-ҳаво ажойиб, 15 даража иссиқ. Кеча биринчи машғулотни ўтказдик. Барча йигитлар соппа-соғ. Машғулотда стандарт вазиятларга кўпроқ эътибор қаратдик. Мусобақадаги илк ўйинда ғалаба қозониш жуда муҳим. Шу боис ҳам "Парма"га қарши баҳсда фақат ғалаба учун майдонга тушамиз", - дейди Тимур Ҳакимов "СА"га берган интервьюсида.

Ёш "шерлар" 6 февралда "Каванис" сунъий майдонида "Деспортиво"га қарши ўйнашади. Гуруҳдаги сўнгги баҳс 8 февраль куни "Фердегини" стадионида "Специя"га қарши ўтказилади.

Ссылка :

Источник : championat.asia

Получайте новости прямо в Telegram!

Рейтинг: