Тевес “Бока Хуниорс”да 32-рақамда тўп тепади

У “Бока Хуниорс” билан шартномага имзо чекди ва янги жамоасига 32-рақам остида тўп тепади.

Тевес 2016 йилнинг декабрида “Шанхай Шэньхуа” таркибига ўтиб, дунёнинг энг кўп маош олувчи футболчисига айланган эди. ОАВ хабарларига кўра, унинг маоши йилига 40 миллион долларни ташкил этган. Тевес Хитой клубида 20 та учрашувда майдонга тушди ва тўртта гол уришга эришди. Январда ҳужумчи “Шанхай Шэньхуа” билан шартномани бекор қилди ва қадрдон жамоасига қайтди.