Терма жамоамиз Вьетнамда биринчи машғулотларини ўтказди

"Бугун маҳаллий вақт билан 13:30 да Вьетнамга етиб борган терма жамоамизни аэропортнинг ўзида журналистлар кутиб олди ва дастлабки фикрлари билан қизиқди" - дея хабар бериб ўтмоқда Вьетнам Футбол федерацияси расмий сайти

"Шунга қарамай Миржалол Қосимов бугун журналистлар билан мутлоқо мулоқотда бўлмади. Терма жамоа аъзолари узоқ масофадан келганлиги боис терма жамоа бош мураббийи саволларга жавоб беришни истамади" - дея қўшимча қилиб ўтади.

Фақатгина терма жамоалар маркази бош дириктори Асқар Толибжонов саволларга қисқа жавоб бериб унда узоқ йўл таъсири ва эртага бафуржа  гаплашиши ҳақида айтиб ўтди. 

Терма жамоа аъзолари Ханой шаҳридаги "Crowne Plaza"меҳмонхонасига жойлашди.

Бугун маҳаллий вақт билан 19:00 да терма жамоамиз дастлабки машғулотларини ўтказди. Терма жамоамизнинг барча аъзолари соғлиғи ва аҳволлари яхши эканлиги айтиб ўтилмоқда.