Темурхўжа Абдухолиқов 39 дақиқа ўйнади, "Хайдук" мағлуб бўлди

Сплитнинг "Хайдук" клуби сафарда "Славен Копривница"га қарши ўйнаб йирик ҳисобда мағлуб бўлди - 0:3. Темурхўжа Абдухолиқов учрашувнинг дастлабки 39 дақиқасида ўйнаб бошқа футболчига алмаштирилган. Бунга катта эҳтимол билан 35-дақиқада "Хайдук" ҳимоячисининг қизил карточка олгани сабаб бўлган. Ҳамюртимизнинг ўрнига майдонга ҳимоячи тушурилган.

"Хайдук" 33 турдан сўнг 59 очко билан мусобақа жадвалининг учинчи поғонасида бормоқда. Клуб кейинги ўйинни 4 май куни ўз уйида "Истра 1961"га қарши ўтказади.

"Славен Копривница" - "Хайдук" 3:0
Голлар: Доминик Главина 18, Фустар 42, Вургинец 69
Четлатиш: Врсаевич 35 ("Хайдук")