Темурхўжа Абдухолиқов - Туркиядаги йиғин, Суперкубок ва янги мавсум ҳақида
17 фев 2019 12:40
Новости
![](https://championat.asia/upload/storage/477834_original.jpg)
![](/upload/storage/477834_220.jpg)
Темурхўжа Абдухолиқов - Туркиядаги йиғин, Суперкубок ва янги мавсум ҳақида
Биз ушбу йиғинда қатнашган жамоа ҳужумчиси Темурхўжа Абдухолиқов билан қисқа суҳбат қурдик.
- Туркиядаги йиғин қандай ўтди?
- Бир қатор кучли клубларга қарши назорат учрашувларини ўтказдик. Мураббийлар берган барча топшириқларни бажаришга ҳаракат қилдик. Барча режалар амалга оширилди. Қанчалик тайёр эканлигимизни мавсум давомида билиб оламиз.
- Янги келган футболчилар жамоага мослашиб кетишдими?
- Мослашиш жараёни давом этмоқда. Бунинг натижасини биринчи расмий ўйинда кўрамиз.
- 23 февраль куни Ўзбекистон Суперкубоги учун баҳсда АГМК билан ўйнайсизлар...
- Бу учрашув осон бўлмайди. Лекин Суперкубокни қўлга киритиш учун бор кучимиз билан ҳаракат қиламиз.
- Марат Бикмаев "Локомотив"ни тарк этди. Энди ҳужумда сизга кўпроқ "юк" тушиши кутилмоқа. Бунга тайёрмисиз?
- 2016 йилги мавсумда жамоанинг асосий ҳужумчиси бўлгандим ва чемпионат тўпурари бўлгандим. Буни яна такрорлашга ҳаракат қиламан.
- Янги мавсумдан нималар кутаяпсиз?
- Ҳали мавсум қачон бошланишини билмаймиз. Шунга жуда ҳам қизиқ бўлса керак деб ўйлаяпман. Бошланиши қизиқ бўлаяпти, энди давоми ҳам қизиқ бўлса керак.
Маълумот учун, "Локомотив" Туркиядаги йиғин давомида "Динамо" (Москва, Россия) 1:1, "Астана" (Қозоғистон) 1:1, "Заря" (Украина) 0:1 ва "Олимпия" (Словения) 1:1 клублари билан назорат учрашувлари ўтказди.
Нарзулла Сайдуллаев суҳбатлашди
Похожие новости
![AMP Logo](https://championat.asia/image/logo-amp.png)
Комментарии