Темур Турдиев: "Шунчаки, мағлуб бўлдик"

Учрашувдан кейин меҳмонлар бош мураббийи Темур Турдиевнинг фикрлари билан қизиқдик.

- Ўйин тенг ўтди, деб бемалол айта оламан. Бундай баҳсларда учрашув тақдирини биргина гол ҳал қилади. Кеча ҳам шундай бўлди. Мезбонлар ўз имкониятларининг биттасини голга айлантирди, биз аксинча, вазиятлардан фойдалана олмадик. Натижада мағлубиятга учрадик. Айтишим мумкин, кечаги баҳсда шогирдларимнинг ҳаракатларидан қониқиш ҳосил қилдим. Шунчаки, мағлуб бўлдик.

Воҳа сафари давомида ҳар иккала беллашувда ҳам ютқаздик. Лекин мен бу билан рақибларимизни жуда кучли демаган бўлардим. Шунчаки, улар гол уришди. Қолаверса, биринчи ўйинда тактик хатога йўл қўйдик. Оқибатда ҳисоб йирик кўриниш олди. Иккинчи баҳсда эса, айтганимдек, биттагина гол ўйин тақдирини ҳал қилди, - дейди Турдиев.

Фурқатбек Нишонов