Тебас лавозимидан четлатилиши мумкинлигинидан хавотирланмаяпти. "Реал" Ла Лига президенти устидан шикоят киритганди

Ла Лига президенти Хавьер Тебас Мадриднинг "Реал" клубининг махфий маълумотларни тарқатганлик бўйича айбловлари ортидан ўз лавозимидан четлатилиши мумкинлиги ҳақида ташвишланмаётганини маълум қилди.

"Йўқ, мен ишдан кетиш бўйича хавотирда эмасман. Менга нисбатан санкциялар қўлланилади деб ҳам ўйламайман. Мени кўпроқ Спорт бўйича маъмурий трибуналга шикоятларнинг келиб тушиш шакли ташвишга солмоқда. Мажлисларнинг нотўғри баённомалари ва шунга ўхшаш бошқа нарсалар жуда шубҳали", -дейди Хавьер Тебас.

Эслатиб ўтамиз, "Реал Мадрид" Тебасни маҳфий маълумотларни тарқатганликда айблаб, Спорт бўйича маъмурий трибуналга (TAD) шикоят илган эди. Олий спорт қўмитасининг собиқ раиси Мигел Анхель Галан эса агар Тебас айбдор деб топилса, унинг лавозимидан четлатилиши эҳтимоли юқори эканлигини таъкидлаган.